ا الجزئ التالت
هبة . كله تمام
ميادة . لما اشوف بقى انا ولا هو
- كان بسام فى ذلك الوقت يريد ان ينام و لكن الصوت كان عالى جدا فظل يتقلب يمينا و يسارا
بسام . هشام ... هشام
هشام . عايز ايه يا بسام
بسام . تعالى معايا
هشام . هتروح فين
بسام . هروح اشوف اخريتها معاهم ايه
- يذهب بسام هو و هشام الى فيلاه النحاس
بسام . ممكن ... ثم نظر الى ميادة وقال انتى
ميادة . ايوة انا اى خدمة
بسام . ممكن تسمعوا على قدكم
ميادة . والله يا استاذ ( ..... ) كل واحد حر فى بيته
فينفعل بسام . ممكن اكلم حد كبير هنا
فيحاء . خير يا استاذ
بسام . والله كلك نظر الصوت عالى وانا عايز انام .. عايز انام
فيحاء . والله يا استاذ كل واحد حر فى بيته
بسام . بصوا لو مش هتبطلوا لعب العيال ده الموضوع هيكبر
هشام . مش كدة يا بسام اهدى يا اخى شوية
بسام . استنى انت يا هشام
هبة . اسمك هشام
فيحاء . هبة
هشام . هبة اسمك جميل
- فيضربه بسام فى رجله
هشام . آه
يا واد يا تقيل
بسام . بصى الى عندى قولته
فيحاء . انت بتهددنا
بسام . ايوة
نغم . ممكن طيب نخلوها ودى
بسام . الى عندى قولته سلام
ميادة . ميادة مع السلامة
هشام . سلام يا هبة
هبة . سلام
فيحاء . يظهر اننا لازم نهدى اللعب شوية ده مش همه حد
نغم . ده بارد اوى
< فى فيلاه بسام >
هشام . مش كدة يا بسام لازم تتعامل مع الجنس الناعم براحة وبهدوء العند مش هيجيب نتيجة
بسام . دول بيتصرفوا زى العيال
هشام . خليك انت الكبير
- كان بسام جالس فى الحديقة فحفت عليه ميادة ورقة فمسكها و قرأها (( ما تقولى انت مين ))
بسام . عم منعم
منعم . نعم يا سعت البيه
بسام . ورقة وقلم يا عم منعم لو سمحت
منعم . حاضر يا سعت البيه
- فكتب لها الرد و حدفه لها
ميادة . بعت الرد ... بعت الرد
- فيقراوا ما بها (( وانتى مالك ))
الجميع . ههههههههههه
هبة . يا بنتى ده مكبر دماغه وانتى كمان كبرى دماغك بقى
فيحاء . خليكى زيه كدة ..... كبرى الجمجمة
نغم . انتى حبتيه ولا ايه
ميادة . مش عارفة انا عمرى ما كنت كدة
- يجلسوا الاربع بنات على نجيلة الحديقة
احلام البنات
فيحاء . كل واحدة منكم تقول مواصفات فارس احلامها ايه نبدا بنغم
نغم . ولا طويل ولا قصير و ابيض ولا اسمر
فيحاء . ويكون فى كلية صيدلة و اسمه ايهاب صح
نغم . صح
فيحاء . وانتى يا هبة
هبة . دمه خفيف وسيم وتكون لون عينه ... هى صحيح لون عينه ايه ؟
فيحاء . مين ده
هبة . هشام
فيحاء . هشام مين
هبة . الى ساكن مع جارنا الجديد
ميادة . آه ... بتاع سلام يا هبة
هبة . ايوة ده .... عايزة ده
فيحاء . وانتى يا ميادة
ميادة . عينه خضرة ولد جينتل وتقيل و جميل .. جميل اوى
نغم . وبارد كدة وساكن جنبنا صح ؟
ميادة . صح بس هو مش بارد
نغم . لا بارد
ميادة . لا مش بارد هو تقيل
نغم . لا بارد
هبة . خلاص ... خلاص نسمع فيحاء بقى
فيحاء . رومانسى ومحترم و لطيف ووسيم نوعا ما
هبة . مين ده يا فيحاء
حب فى صمت
- فوضعت فيحاء رأسها على النجيلة و هبة و ميادة و نغم
فيحاء . واحد شوفته فى النادى كل يوم خميس بيكون هناك
ميادة . كلمك
فيحاء . لا بس عينه ... عينه هى الى بتكلمنى
هبة . ده من امتى
فيحاء . من اواخر الدراسة
نغم . كملى و بعدين
فيحاء . حسة بحاجة جوايا بتشدنى ليه .. فى الاول كنت متجاهلة الامر وبعدين لقيت نظرة عنيه ليا بتشدنى ليه
هبة . ما حولش يكلمك
فيحاء . حاول كتير لكن احيانا اصحابى بيكونوا معاية واحيانا اصحابه
بيكونوا معاه ولما بيكون فى حد معاه مش بيبصلى خالص عشان محدش ياخد باله
نغم . حب فى صمت يعنى
- مرت عليهم لحظات من التفكير فغلب عليهم النوم
< فى فيلاه بسام >
هشام . بص يا بسام دول نايمين
بسام . فرصة .. هات الخرطوم
هشام . هتعمل ايه
بسام . هات بس
- فيرش عليهم المية فينهضوا الاربعة وهم يصرخون ... فيذهبوا اليه
ميادة . فين صاحب الفيلاه ديه
منعم . بسام بيه ... بسام بيه
ميادة . الله اسمه جميل اوى
فيحاء . ده وقته ده
بسام . نعم ... خير
فيحاء . قول للاطفال الى عندكم عيب ترش مية على الجيران
بسام . وهو فى حد ينام فى الجنينة
ميادة . وانت مالك
هشام . يا جماعة نتفاهم بهدوء
هبة . صح نتفاهم بهدوء
فيحاء . مفيش بنا تفاهم
ميادة . ليه بس
نغم . اسكتى
فيحاء . تحب ندخل الاقسام
بسام . ولا يهمنى
فيحاء . يعنى ايه
بسام . يعنى كل واحد حر فى بيته
ميادة . كدة
بسام . ايوة يا جميل كدة
فيحاء . ماشى انت كدة الى اعلنت الحرب
بسام . ونحن عندنا السلاح
بسام . فرصة سعيدة يا آنسات
- فينظرون اليه فى غيظ ثم يتركوه ويذهبوا
< فى فيلاه النحاس >
فيحاء . كل وحدة تفكر هنعمل ايه فيهم
نغم . نعمل عيد ميلاد
فيحاء . بس مفيش حد عيد ميلاده الشهر ده
ميادة . عادى نخلى عيد ميلادى الشهر ده
هبة . فكرة
فيحاء . خلاص احنا نجيب سماعات كبيرة ونعزم كل اصحابنا الروشة و منخاليهمش يعرفوا يناموا
نغم . فكرة مش بطالة
< فى الليل >
النحاس . انا هسافر بكرة الصبح
ميادة . فين يا بابا
النحاس . عندى شغل فى كندا لازم اسافر اخلصه عايزكم تخلوا بالكم من نفسكم
نغم . انت هتتأخر يا عمو
النحاس . هقعد شهرين هناك
هبة . بس كدة كتير اوى
النحاس . انا هتصل بايهاب ينزل يقعد معاكم بس اهم حاجة تسمعوا الكلام فاهمين
نغم . حاضر يا عمو
النحاس . آه صحيح انا قبل ما اسافر لازم اروح اشوف بسام
فيحاء . بسام مين
النحاس . الى ساكن قدامنا
ميادة . وانت تعرفه يا بابا
النحاس . ده ابن صاحبى الى مسافر كندا اخلص معاه الشغل انا لازم اصحى بدرى واروح اشوفه .. تصبحوا على خير
ميادة . و انت من اهله ... سمعتوا قال ايه
< فى فيلاه النحاس >
- فى اليوم التالى بعد سفر النحاس بيه
نغم . اتصلى بيهم كلهم
ميادة . فاضل اتنين مهمين
فيحاء . انا مش متفائل
هبة . ليه ياعم المش متفائل
فيحاء . لحسن يتصل بخالوا و يقول له
ميادة . ايه يعنى كنا بنعمل عيد ميلاد
فيحاء . ربنا يستر
فى الليل
بسام. شايف بيعندوا ازاى ومش هاممهم حاجة
هشام. ياعم كبر دماغك.... سيبهم يتروشنوا شوية
بسام . انا عايز انام الساعة 3 دالوقتى
هشام . بص شايف البنات
بسام . حلوين بس عايز انام
هشام. النحاس سافر كندا هتقول لمين؟
بسام . شايف البنت بتبصلى ازاى واكنها بتغيظنى
هشام . مين ميادة
بسام. وانت عرفت اسمها كمان ؟
هشام . عرفت اسمهم كلهم ياعم صباح الخير
بسام . اوعى تقول انك بتتقابل مع الى اسمها هبة
هشام . يعنى
بسام . متقوليش
هشام . كنت هتعمل ايه يعنى انا بصراحة معجب بيها اوى .....بس انا مش بقابلها زى ما انت فاهم
بسام . امل بتكلمها ازاى
هشام . انا وهى الصبح بنروح النادى واحنا بنلعب بنكلم بعض
بسام. هى دى بقى بنت النحاس
هشام . لا ميادة بنت النحاس وهبة بنت اخته و فيحاء بنت اخوه و نغم بنت اخوه الى اتوفى
بسام . يعنى عنده بنت وحدة
هشام. ايوة الى باين عليها معجبة بيك
بسام. وكل ده عرفته من هبة
هشام . ايوة احنا ساعات مبنبقاش عارفين نقول ايه فبنتكلم عن عائلتها
بسام. اهى ميادة دى بقى مشكلة .... حاسس انها زعيمة العصابة بتاعتهم
- فى الصباح
فيحاء . رايحة فين ياهبة
هبة . انا ...... رايحة النادى
فيحاء . اشمعنا الوقت ده بتنزلى فيه النادى
هبة . عادى يعنى بحب انزل الصبح
فيحاء . بس انتى مفطرتيش
هبة . مش مهم مليش نفس
فيحاء . خلاص يا هبة بلاش تنزلى النهردة
هبة . لا .... انا هنزل عايزة اتدرب
فيحاء . مصممة
هبة . اه مصممة
فيحاء . خلاص يا هبة برحتك
هبة . سلام
فيحاء . مع السلامة
فيحاء تحدث نغم . انا حاسة ان ورائها حاجة
الثلاثاء يناير 26, 2010 9:09 am من طرف 
