وراحو الحبايب5

نغم . هيكون ورائها ايه يعنى
فيحاء . انا هنزل ورائها اشوفها بتروح فين
- فى النادى
هشام . اتأخرتى كدة ليه
هبة . فيحاء ما كانتش عايزة تنزلنى
هشام . هى فيحاء المسؤلة عنكم
هبة . اه فيحاء اكبر وحدة فينا و هى المسؤلة عن كل كبيرة وصغيرة فى البيت
هشام . عشان كدة كلكم بتخافوا منها
هبة . طبعا وبنحترمها كمان
هشام . المهم انتى عاملة ايه
هبة. الحمد لله
معجب بيكى
هشام . تعرفى انا عايز اقولك كلمة بصراحة
هبة . قول انا سمعاك
هشام . انا معجب بيكى اوى
هبة . عشان عينى زرقة يعنى و شكلى حلو شوية
هشام . لا والله انا معجب بيكى انتى .. معجب برزانتك معجب باخلاقك و كل حاجة فيكى
هبة . انا كمان معجبة بيك و حسة انك انسان كويس ومحترم
فيحاء . ده مين ده.........
هبة . فيحاء ؟؟؟
فيحاء . مش تقولى انك بتروحى مع الجيران
هبة . طيب ماشى يا هشام سلام دالوقتى ها بعدين ها.... سلام
هشام . اوكى سلام
< فى الفيلاه النحاس >
فيحاء. مفيش نزول نادى تانى فى الوقت ده ولما تيجى تنزلى هبقى انزل معاكى
هبة . يا فيحاء
فيحاء . بصى انا المسؤلة وكلمتى وحدة واى حركة مش هتعجبنى انتى عارفة سامعة
هبة . خلاص سمعة
< فى فيلاه بسام >
بسام . ههههههههههه . يعنى ظبتطك متلبس
هشام . كنا خلاص هنقول كل حاجة فجاة لقيتها نطت علينا
بسام . دى تسلية يا هشام
هشام . مش عارف يا بسام والله بس انا حاسس انى بحبها
- كان بسام نائم على السرير يسمع الكاسيت و هشام جالس فى الفارندة يمسك كوب شاى فى يده
هشام . الحق يا بسام
بسام . فى ايه
هشام . شوف مين الى داخل فى فيلاه النحاس
بسام . مين يعنى
هشام . 3 رجالة يظهر عليهم حرامية
الحرامية هم السبب
بسام . تلاقيهم قرايبهم
هشام . لا مش منظر قرايب دول لو قرايب كانوا دخلوا من باب الفيلاه مش دخله يتسحبوا كدة
بسام . احسن حلال فيهم
هشام . احسن ايه بس يا بسام
بسام . انت خايف عليهم ليه .. دول الحرامية اول ما هيشوفوهم هيطلعوا يجروا وهيخافوا منهم
هشام . لا يا بسام مهما كان دول جيران وهم بنات و محدش معاهم دالوقتى و بعدين يا اخى خالهم يبقى صاحب والدك و بنا وبينهم جمايل
بسام . خلاص يا هشام هريحك تعالى نشوف مين دول
- فيذهبوا اليهم و يدخلوا الفيلاه كما دخل الصوص
احد الحرامية . احنا مش هنعمل حاجة معاكم يظهر عليكم انكم بنات ناس و مش
وش بهدلة كل الى عايزينوا منك مفتاح الخزنة والدهب الى معاكم والفلوس لو
سمحت
الثانى . يلا يا امورة انتى وهى فين المفتاح
الثالث . يظهر كدة انهم هيتعبونا .. احنا لغاية دالوقتى ذوق اوى معاكم ... ما تقولى يا بت انتى وهى خلصونا عندنا شغل
هبة . ما تحترم نفسك يا زبالة انت
- فيصفعها بالالم على وجهها فيهجم عليه هشام من خلفه و يضربه فيجرى الآخرين و يلحق بهم بسام فياتى واحد من خلفه ليضربه فتصرخ ميادة
ميادة . الحق يا بسام
- فتضربه على رأسه بخشبة فيقع على الارض و تجرى فيحاء و نغم و يقفون خلف
الباب فيجرى الحرامى الاخر فيصدموه بالباب .. بينما هبة فناولت هشام
الفاظة فضرب بها الحرامى فسقط على الارض فاقد وعيه
هبة . يا جامد
- فيربط بسام و هشام الثلاثة حرامية بالحبل و يبلغوا الشرطة
ميادة تسلم على بسام . انا مش عارفة اشكرك ازاى على الى عملته معانا انت و هشام
بسام . مفيش شكر بنا احنا جيران و بعدين والدك صديق حميم
ميادة . بصراحة انا مكنتش اعرف انك شهم كدة
بسام . و انا مكنتش اعرف انك رقيقة اوى كدة
هبة . مكنتش اعرف انك جرىء كدة و بطل كمان
هشام . كمان بطل
هبة . الى عملته انت و هشام مكنش حد ممكن يعمله و كمان بعد الى عملناه فيكم
- فيحاء تشكر بسام وهشام
< فى فيلاه بسام >
بسام . تعرف يا هشام الحرامية دول لولاهم مكنتش اتكلمت مع ميادة و قربت منها وعرف انها رقيقة
هشام . ايه عجبتك
بسام . ديه جميلة ورقيقة وهادية .. الاول كنت آخد عنها فكرة وحشة كنت فاكرها مش عاقلة و مش راكزة تصرفتها عيالى
هشام . الى متعرفهوش كمان انها فى كلية السن
بسام . بجد والله
هشام . يعنى بهزر هبة الى قالتلى كدة

حبيتها ولا ايه
بسام . يعنى لو استقريت هنا فى مصر هنكون فى كلية واحدة
هشام . و يا علم يمكن كمان تكونوا فى دفعة واحدة
بسام . و هبة
هشام . ولا معاية فى كلية ولا دفعة
بسام . ليه هى فى كلية ايه
هشام . تجارة انجلش
بسام . اقتصاد و علوم سياسية مع تجارة انجلش يعملوه قافلة مع بعض
هشام . تعرف يا بسام انا فى الاول كنت عادى مش فارقة معاية نبقى اصحاب و
نقضى وقت جميل مع بعض او نبقى جيران وبس او يبقى صيف اشغل بيه نفسى بحاجة
و يعدى لكن من ساعة ما شوفتها و اتكلمت معاها فى النادى و لآخر لحظة
شوفتها فيها لقيت نفسى بحبها
بسام . ايه الكلام الكبير ده وصلت ان هشام يحب
هشام . شوفت بقى آخر كنت اتصورها انى ممكن اتعلق بجد واحب
بسام . بصراحة يا صحبى هبة جميلة بس لو انت بتحبها عشان الجمال فالحب ده مش هيدوم
هشام . تعرف لما قولتلها انى معجب بيها قالتلى ايه
بسام . قالتلك ايه
هشام . معجب بيا علشان لون عنيا
بسام . آه صحيح لون عنيهم حلو اوى
هشام . من ساعة ما كلمت ميادة وانت مهتم اوى بيهم
بسام . ميادة عادى يعنى زيها زى اى بنت شوفتها
هشام . طيب يلا نام .. نام
< فى فيلاه النحاس >
- بعد مرور ثلاثة ايام
فيحاء . افتحى الباب يا نعيمة
نعيمة . حاضر يا ست هانم
ايهاب . السلام عليكم
فيحاء . مين ... ايهاب
ايهاب . ازيك يا فيحاء
فيحاء . ازيك انت عامل ايه حمدا لله على السلامة
ايهاب . الله يسلمك
وحشتنى
ميادة . مين هيبو ازيك عاش من شافك
ايهاب . ازيك انتى يا ميادة و حشتينى والله
فيحاء . هاتى الشنط من العربية يا نعيمة انتى وعبده
نعيمة . حاضر
هبة . ايهاب اخوية حبيبى
ايهاب . وحشتينى .. وحشتينى اوى يا هبة
هبة . انت اكتر هى ماما ماجتش معاك ليه
ايهاب . عندها شغل كتير لازم تخلصه الصيف ده
هبة . انت لسة واصل دالوقتى
ايهاب . لسة واصل من قيقتين بالظبط
فيحاء . تعالى يا ايهاب فى الصالون ارتاح من السفر
ايهاب . هى فين نغم عايز اشوفها
ميادة . طيب استريح الاول
ايهاب. هى فين بس عايز اشوفها
هبة . نغم لسة نايمة
فيحاء . اول مرة تعملها دى كانت بتقوم اول وحدة فينا
هبة . بتقول عندها صداع نصفى
فيحاء . طيب روحى قوليلها ايهاب وصل يمكن الصداع يروح
ايهاب . لا ..لا خليها نايمة مدام تعبانة
ميادة . يظهر عليك انك تعبان من السفر احضرلك الاوضة ترتاح شوية
ايهاب . لا انا هتمشى فى الجنينة شوية لحد ما نغم تقوم و اشوفها
ميادة . ياعينى .. ياعينى ماشى يا عم ايهاب
- فى حجرة نغم
هبة . نغم .. نغم قومى عندى ليكى خبر حلو
نغم . سيبينى يا هبة عايزة انام
هبة . ايهاب تحت
فتنهض نغم . انتى بتهزرى صح
هبة . لا والله ايهاب لسة واصل من نصف ساعة و هو فى الجنينة مستبحبكى
نغم . ايهاب وتجرى نحو الباب
هبة . مش هتغسلى وشك
نغم . آه صحيح
- بعد ان غسلت وجهها فكانت تجرى بسرعة وهى نازلة من على السلم
فيحاء . حسبى يانغم هتقعى
نغم . هو فين ايهاب
فيحاء . فى الجنينة
- فى الجنينة
نغم . ايهاب ... ايهاب
- فتجرى نحوه
نغم . وحشتنى .... وحشتنى اوى
ايهاب . انتى اكتر انا مش مصدق انك قدامى دالوقتى
نغم . تعرف لو مكنتش جيت انا كنت هسافرلك
ايهاب . دا انا كنت بعد الساعات والثوانى علشان اجيلك كل حاجة فيكى و حشانى
نغم . بعدك عنى كان تعبنى اوى
ايهاب . انا كان فاضلى لحظة واموت لو مكنتش شوفتك دالوقتى
ميادة . ياعينى يا عينى جو رومانسى خطير ... يلا بينا الفطار جاهز ... يلا و بعدين كملوا كلامكم .... انتم لسة واقفين يلا
- بعد الطعام
فيحاء . انا حضرتلك الاوضة يا ايهاب تقدر دالوقتى تطلع تستريح
- فيطلع ايهاب الحجرة
ميادة . الحمد لله وصل الى هيخلى الصيف جميل
فيحاء . ال Big BOSS بتاعنا
ميادة . الله ايهاب ده القاعدة معاه حلوة اوى
نغم . بس مش عارفة حاسة انه فى حاجة
فيحاء . هو اول اما بييجى بيبقى تعبان من السفر
هبة . ايهاب وصل و هنعمل كل الى عايزينه
- بعد اذان العصرايهاب ونغم فى الجنينة يتحدثون
نغم . لغاية دالوقتى مش مصدقة انك جانبى
ايهاب . انا الى مش مصدق بجد يا نغم انتى روحى انتى الهواء الى بتنفسه و مقدرش ابعد عنك
نغم . لو انا روحك والهاء الى بتتنفسه يبقى انت قلبى الى بحب بيه و عينى الى بشوف بيها
ايهاب . انا مش عارف خالى هيوافق امتى انا بجد تعبت
نغم . خلاص يا ايهاب فاضل سنة و تتخرج
ايهاب . نفسى اغمض عينى و افتحها الاقى السنة خلصت
نغم . بس هنكون هنا فى مصر
ايهاب . طبعا هستقر فى مصر الغربة وحشة اوى يا نغم
نغم . هانت يا حبيبى كلها سنة و كل حاجة هتتصلح
ايهاب . اهم حاجة تبقى جانبى
ميادة . مساء الخير على احلى حبيبين
نغم . مساء النور
ايهاب . دايما كدة بتطلعى فى الاوقات الى مش مناسبة خالص
ميادة . ماشى يا هيبو .... كلمى يا نغم
نغم . مين بس
ميادة . هيكون مين فيحاء طبعا
نغم . عن اذنك يا ايهاب هرجع تانى
ميادة . متخافيش انا هقعد معاه اسليه
ايهاب . تعرفى ان المكان هنا جميل اوى يا ميادة
ميادة . آه بس عايزين فسح و لعب
ايهاب . انتى تعرفى عنى كدة
ميادة . لا خلاص .. لحسن تقلب علينا ولا حاجة
ايهاب . لا .. لا متخافيش
- فنظرت ميادة الى فيلاه بسام فوجدته واقف مع هشام فلاحظ ايهاب نظرة ميادة نحوهم
ميادة . اضحك يا ايهاب
ايهاب . اضحك على ايه
ميادة . اضحك بس
ايهاب . بت انتى مجنونة اضحك على ايه
ميادة . اضحك بدل ما احدف عليك كاس العصير
ايهاب . يا مجنونة
ميادة . اضحك
ايهاب . هههههههههه
ميادة . هههه لا ...لا بجد حلوة
< فى فيلاه بسام >
بسام . شايف مين ده الى فرحانه اوى بيه و بتهزر معاه
هشام . مش عارف يظهر خاطبها
يقول بسام فى اسف . خاطبها
هشام . بقول بس هبة ماقالتليش ان ميادة مخطوبة ولا حتى لابسة دبلة
بسام . حتى لو خاطبها ايه يعنى انا عملت كدة ليه