الجزئ السااااااابع
طارق . انا عمرى ماكنت صادق فى مشاعرى ولا كلامى قد دالوقتى
فيحاء . ممكن تعرفنى بيها
طارق . بصراحة انتى
فيحاء . انت جرىء
طارق . انا انسان صريح اللى فى قلبى على لسانى
- فتاتى هبة تقطع الحوار
هبة . مساء الخير
فيحاء . مساء النور
هبة . فيحاء ممكن بس ثوانى
فيحاء . عن اذنك رجعالك تانى
طارق . اتفضلى هستناكى
فيحاء . نعم ياهبة
هبة . بصى هشام عايز يكلمنى وانا بصراحة عايزة اكلمه وهكلمه و انا جيت بس اقولك عشان متزعليش
فيحاء . كلميه بس خدى بالك وخليكى حريصة معاه
- اما بالنسبة لبسام وميادة
ميادة . ممكن اقولك حاجة جواية و تعتبرها سر
بسام . قولى سمعك
ميادة . على فكرة انا هقول
بسام . قولى
ميادة . فى وحدة صحبتى حسة انها بتحب عارف يعنى ايه حب ؟
بسام . مفيش انسان ميعرفش الحب......... سكتى ليه متكملى
ميادة . بصراحة هى الاول معجبة بيه قصدى كانت معجبة بيه و دالوقتى
بتحبة........ بتحبه بس هو شخصية غمضة و خايفة من رد فعله.. تعمل ايه
بسام . تقول له
ميادة . مينفعش
بسام . لا ينفع مدام بتحبه تقول له
ميادة . طيب مدام انت شايف كدة انا هفكر قصدى هقول لها تفكر انها تقول له
بسام . من غير تفكير ده شىء جواها بيدفعها انها لازم تصرحه بالحقيقة
- فتصمت ميادة برهة من الوقت ثم تقول
ميادة . انا عايزة اقولك حاجة تانى
بسام . اتفضلى
ميادة . الشخصية الى بقولك عليها دى هى انا و الشخص ده هو انت
بسام . ما انا عارف بس انتى بتتكلمى بجد ولا بتسرحى بيا
ميادة . لا والله انا بتكلم بجد
بسام . انا كمان متعلق بيكى
ميادة . بسام
بسام . والله بتكلم جد
ميادة . انا كمان عايزة اقولك حاجة جوايا
بسام . قولى سامعك
ميادة . انا بتعذب اوى
بسام . بتتعذبى ايه الكلام الجامد ده و ايه الى معذبك
ميادة . انت
بسام . انا
ميادة . ايوة انت ....... من ساعة ما شوفتك و انا مش بتعدى عليا دقيقة من
غير ما افكر فيك و لما قربت منك اتعذبت اكتر لانى اتعلقت بيك
بسام . الكلام ده من قلبك ولا بتلعبى بيا و بمشاعرى
ميادة . بالله عليك ما تظلمنيش انا مش ناقصة تعب بقولك بتعذب تقولى بتلعبى بيا انت ايه يا اخى
بسام . ميادة مش قصدى والله بس انا بصراحة حبيتك
ميادة . حبتنى
بسام . ايوة حبيتك و مستعد اقسم بالله انى بحبك
ميادة . انا مكنتش اعرف انك هتكون حاسس بيا
بسام . انتى متعلقة بيا بس
ميادة . الاول كنت معجبة بيك ومتعلقة بيك بعد ما كتبتلك ورقة قولتلك فيها
انت مين و قولتلى انتى مالك اتاكدت انى بحبك لان اليوم ده ماجاليش نوم و
لقيت غصب عنى دموعى بتنزل منى بسام . انا اسف .......بس ليه تعيطى انا كنت
فاكرك بتهزرى بس
ميادة . علشان فضلت اسال نفسى ليه احب الانسان الى مش بيفكر فيا ولا هيفكر فيا و لا هيحس بيا ليه انزل من كرامتى
بسام . تعرفى لما صدمتينى بالعربية عجبتينى اوى و لما عرفت انك الى ساكنة
جنبى فى الفيلاه فرحت و لما كتبتيلى انت مين شغلتينى بيكى اكتر
ميادة . بس ما كنتش باين عليك
بسام . زى ما تقولى كدة بخاف احب
ميادة . ..... انا هسالك سؤال بس ياريت تجاوبنى عليه بصراحة
بسام . اسالى
ميادة . انا اول حب فى حياتك
بسام . بصراحة انتى تانى حب فى حياتى
ميادة . و مين الى كانت اول حب فى حياتك ممكن تكلمنى عنها
بسام . وحدة حبتها من سنين فاتت عشت معاها قصة حب كبيرة
ميادة . وايه سبب فراقكم
بسام . والدى...... والدى طول عمره بيحلم بالسفر والاهداف والطموحات كانت
عزيزة فى قلبه عاش حياته كلها بيحلم بالسفر و لما جات الفرصة قرر انه
يسافر و ياخدنى معاه انا وامى قبل ما تتوفى وسفرنا كندا وقبلها ودعتها
وقولتلها اننا ملناش نصيب لبعض ..... و بعدين سافرت
بسام . لا ... على فكرة علشان تكونى مطمئنة انا سمعت انها اتجوزت وخلفت كمان
ميادة . وانا بقيت بالنسبالك ايه
بسام . الروح الى بعيش بيها.... بس ممكن اسال انا كمان سؤال
ميادة . اسال
بسام . انتى حبيتى قبل كدة
ميادة . تقدر تقول انت اول حب احسة بجد بس قبلك مكنش حب و عمرى ما كنت صريحة مع حد قد ما انا صريحة معاك دالوقتى
بسام . اوعدينى اننا نكون لبعض مهما حصل
ميادة . اوعدك
< فى فيلاه النحاس >
ميادة . وقالك ايه كمان
هبة . قالى بحبك قولت له وايه الدليل الى يثبتلى انك بتحبنى
ميادة . ها ....... و بعدين
هبة . قالى قولى انتى بس بتحبينى ولا لا ........ قولى و انا هثبتلك
ميادة . قولتى له ايه ؟
هبة . حسيت انى ضعفت وقولتله آه انا بحبك
ميادة . وبعدين
هبة . قالى انا هقول لايهاب و لما يجى النحاس بيه هتقدم رسمى
ميادة . بتتكلمى بجد
هبة . آه والله
ميادة . وانتى حاسة بايه دالوقتى
هبة . فرحانة... و حسة انى مش مصدقة ..... مش عارفة بقى اقولك الى جوايا ازاى
- فى كندا
النحاس . الف مبروك يا تمساح
التمساح . الله يبارك فيك يا نحاس لولا انت مكنتش حققت الارباح دى كلها انا فعلا مش عارف ارد جمايلك عليا ازاى
النحاس . ايه الكلام الى بتقوله ده انت لازم تشكر ربنا
التمساح . الحمد لله ..... تعرف انا ميهمنيش حاجة دالوقتى غير الصداقة الى ما بينا و ابنى بسام
النحاس . اتصلت بيه صحيح
التمساح . آه و حاسس ان حالته النفسية احسن بكتير من الاول
النحاس . انا خايف تكون البنات ضيقته ولا حاجة لحسن دول اشقية
التمساح . لا....... لا ده مبسوط اوى فى مصر و مقاليش ان حد ضيقه
النحاس . على العموم انا هتصل بيهم واشوف ايه الاخبار
< فى فيلاه بسام >
ايهاب . قول يا هشام سمعك بقالك ساعة عمال تقول فى مقدمات
هشام . ما انا هقول بس اصبر
ايهاب . انا صابر و سمعك قول بقى
هشام . طبعا يا هشام انت بتحب وعارف يعنى ايه حب و كمان هتفهمنى
ايهاب . هفهم ايه
هشام . ..... ايهاب انا بحب
ايهاب . مبروك ايه يعنى كلنا بنحب
هشام . بس لازم تعرف انا بحب مين
ايهاب . المهم انك انت تعرفها و بتحبها وتعرف انها بنت ناس و اخلاقها كويسة
هشام . ايهاب لازم تعرف
ايهاب . لا صدقنى مش لازم
هشام . ايهاب انا بحب هبة
ايهاب . آه ايه يعنى .... ايه بتقول ايه هبة مين اوعى تقول هبة اختى
هشام . آه يا اخى بحب اختك و انا مش بايدي اقول لقلبى ميحبش اختك و انا
على العموم هتقدم رسمى و لو بتسلى بيها مكنتش قولتلك و بعدين احنا اصحاب
ايهاب و هو يبتسم . فى ايه يا هشام داخل فيا جامد كدة ليه براحة يا اخى انت مش لما تشوف رد فعلى الاول
هشام . بص يا ايهاب ... انا حبيت اقولك عشان اخلص ضميري وانا بحب هبة و مش
هيكون بايدى لو رد فعلك ضد حبى ليها لانى هفضل احبها لان ده مش بايدى
ايهاب . يا ابنى انت فاهمنى غلط انت بتشوف افلام كتيرة ولا ايه ... انا
مقدرش اقول لك متحبهاش لانه مش بايدى ولا بايدك و انا انسان و عندى مشاعر
واحاسيس و بحب و عارف يعنى ايه حب بس ما تزعلش يا صحبى انت لو جرحت اختى
فى يوم و حطمتها انا هتصرف تصرف يكرهك فى الدنيا ... انا مش بقول كدة
علشان انا قليل الاصل بس انت لو مكانى هتعمل كدة
هشام . و انا مزعلتش علشان واثق من الى جوايا و انا لو مكانك فعلا هعمل كدة و اول ما ينزل النحاس بيه انا هتقدم رسمى
< فى فيلاه النحاس >
- ميادة تفتح الباب آتية من الخارج
ايهاب . كنتى فين يا ميادة
ميادة . ايه .... هيبو انت بتسألنى .... يعنى بتتكلم بجد
ايهاب . لا ... لا بتكلم بهزار و عامل نفسى بتكلم بجد .... طبعا بتكلم بجد كنتى فين
ميادة . ايهاب العصر لسة مأذن مش هتصلى
ايهاب . كنتى فين
هبة . هتكون فين يعنى اكيد كانت ...............
ايهاب يقطعها قائلا . تسمحى حضرتك تسكتى كنتى فين يا ميادة
ميادة . كنت فى النادى
ايهاب . ما انا عارف
ميادة . طيب بتسأل ليه
ايهاب . كنتى مع مين
ميادة . آه ...... صداع ... صداع هيقتلنى عايزة اطلع انام
هبة . يا حبيبتى يا ميادة تعالى ... تعالى ارتاحى
ايهاب . ميادة ... تعالى هنا
ميادة . والله العظيم هقولك كل حاجة
- فى اليوم التالي << ايهاب يمسك سماعة التليفون و يسمع فيحاء تتحدث مع طارق >>
فيحاء . يعنى عايزنى اعملك ايه
طارق . اقولك بحبك تقوليلى اعمل ايه
فيحاء . يعنى اخرت الحب ايه
طارق . اكيد الجواز ايه رأيك ؟
فيحاء . انت قد الى بتقوله ده
طارق . على فكرة انتى قلبك حجر قولى انك مش بتحبينى بدل ما تجرحينى ..... سلام
فيحاء . ايه الى سلام ده حالك .... حالك خلاص كل ده عرفته و انت قاعد مكانك ده انت صعب اوى
طارق . ها وبعدين
فيحاء . يعنى تخلينى احبك و بعدين تمشى و تنسانى
طارق . ايه سمعينى تانى .... احبك انتى بتتكلمى بجد
فيحاء . آه بتكلم بجد انا من ساعة ما شوفتك و احساس غريب جوايا بيشدنى ليك و انا مش بكدب عليك ايوة بحبك .. بحبك والى يحصل يحصل
طارق . انا مش مصدق انى بسمع منك الكلام ده
فيحاء . اظن انك دالوقتى عرفت نقطة ضعفى استغلها بقى و اجرحنى و قولى احنا ما ننفعش لبعض خلينا اخوات احسن
طارق . ايه يا بنتى التفائل الى انتى فيه ده هو احنا لسة عشنا الحب عشان
يبقى اخرته فراق و غدر انا عمرى ما اكذب عليكى لانى مش هستفيد حاجة و الله
انا بحبك ..... بحبك والله العظيم
فيحاء . خلاص يا طارق انا مصدقاك بس لازم تعرف ان انا كمان بحبك ولاول مرة فى حياتى اقولها لحد
طارق . وانا اول ما ينزل خالك مصر هطلب ايدك منه
فيحاء . طارق انت بتتكلم بجد
طارق . بكرة الايام تثبتلك ان طارق الى فى قلبه على لسانه و انه بيحبك
فيحاء . اوكى يا طارق سلام
طارق . اوكى سلام
- ثم تغلق سماعة التليفون
ايهاب . ميادة ... ميادة
ميادة . نعم يا ايهاب
ايهاب . نادى فيحاء
ميادة . حاضر
تنزل فيحاء . ايوة يا طارق .... قصدى يا ايهاب
ايهاب . اطلعى يا ميادة اوضتك
ميادة . ليه
ايهاب . اطلعى و بلاش لماضة
ميادة . حاضر ... حاضر
ايهاب . بصى يا فيحاء انا حاسس انه بيحبك بجد بس ياريت تكونى حريصة معاه و متقابلهوش قبل ما يتقدملك عشان يعرف قيمتك
فيحاء . انت سمعته لما كان بيكلمنى
ايهاب . انا جيت ارد على التليفون كنتى انتى رفعتى السماعة
فيحاء . انا كدة .. كدة كنت هقولك
ايهاب . يا رب يكون من نصيبك
< فى فيلاه بسام >
هشام . ايه الاخبار
بسام . بابا هيوصل بكره هو و النحاس بيه
هشام . و هررت تعمل ايه
بسام . هقوله
هشام . على ايه
بسام . هقوله انى بحب ميادة و عايز اتقدملها
< فى فيلاه النحاس >
- بعد مرور يومين من مجىء النحاس
- فى حجرة النحاس
ايهاب . و اخيرا انت عارف نغم مين عايزها
النحاس . يعنى هبة و ميادة هشام و بسام
ايهاب . ايوة
النحاس . و فيحاء و طارق
ايهاب . ايوة
النحاس . و نغم انت
ايهاب . ايو
الثلاثاء يناير 26, 2010 9:09 am من طرف 
